तळोदा :(तालुका प्रतिनिधी हेमंत मराठे मो.9689840855)तालुक्यातील तळवे येथील रक्तदाता व सामाजिक कार्यकर्ते अरुण शांतीलाल साळुंखे यांना प्रभू श्रीरामाच्या पावन नगरी अयोध्या धाम येथे राष्ट्रीय सेवा गौरव पुरस्काराने सन्मानित करण्यात आले.
राम कृष्ण सेवा फाउंडेशन, अयोध्या आयोजित चतुर्थ राष्ट्रीय रक्तदान महोत्सव व राष्ट्रीय सेवा रत्न सन्मान समारोह – 2026 मध्ये देशभरातून आलेल्या मान्यवरांमधून त्यांची निवड करण्यात आली. दिनांक 13 सप्टेंबर 2026 रोजी हा भव्य सोहळा संपन्न झाला.श्री. अरुण साळुंखे हे सन 2017 पासून गेल्या 9 वर्षांपासून अविरतपणे रक्तदान सेवा व जनजागृतीचे कार्य करत आहेत.त्यांनी रक्त लागणाऱ्या गरजू रुग्णां साठी छत्रपती ब्लड फाऊंडेशन नावाचा वॉट्सअप ग्रुप तयार केला त्या अनुषंगाने रुग्णांना रक्तदाता शोधायला मदत होते .व गरजूंना वेळेवर मदत होत असते.त्यांचे कार्य इतके महान. आहे की ते कधी गरजू रुग्णां मधे भेदभाव ठेवत नाही.त्यांना ज्या वेळेस फोन आला त्या वेळी ते तत्पर असतात.त्यांच्या या निस्वार्थ सेवेमुळे शेकडो गरजू रुग्णांचे प्राण वाचले आहेत. मेजर ध्यानचंद खेल उत्थान समिती, उ.प्र. यांच्या सहकार्याने हा कार्यक्रम आयोजित करण्यात आला होता.
या पुरस्कारामुळे तळवे, तळोदा तसेच संपूर्ण नंदुरबार जिल्ह्याच्या शिरपेचात मानाचा तुरा रोवला गेला आहे.
